Хүний бие организм хоол хүнсээр дамжуулан шим тэжээл, эрдэс бодисыг байнга авч байх шаардлагатай. Гэвч эрүүл, зөв хооллолтыг тогтмол баримталж чадахгүйн улмаас хоол боловсруулах системийн шимэгдүүлэх үйл ажиллагаа, мөн бүдүүн, нарийн гэдэсний гүрвэлзэх хөдөлгөөн удааширч хямардаг. Үүнээс үүдэн хүний бие шим тэжээл, эрдсийн дутагдалд ордог. Иймд эмийн бус арга буюу мацаг барих замаар биеэ эрүүлжүүлэн, аливаа өвчнөөс сэргийлэх нь хамгийн энгийн бөгөөд зөөлөн арга ажээ. Детокс нь бие махбодыг хоргүйжүүлэхээс гадна, физиологийн үйл ажиллагааг хэвийн болгох, эрхтэн тогтолцоог өөрийнх нь хүчин чадлаар цэвэршүүлэхэд тусалдаг үйл явц юм. Өөрөөр хэлбэл, бидний бие хорт бодисыг гадагшлуулж, өөрийгөө цэвэрлэх маш ухаалаг бүтэцтэй. Жишээ нь, арьс хөлсөөр дамжуулан бактерийг устгадаг бол бөөр цусыг шүүж, уушги нүүрстөрөгчийн давхар ислийг гадагшлуулж, элэг нь хорт бодисыг биеэс хөөн гаргадаг. Энэ бүх физиологийн үйл явцыг детокс хийснээр эрчимжүүлэх боломжтой.